Էրիկ Թրամփը չի բացառել իր մասնակցությունը ԱՄՆ նախագահական ընտրություններին

ԱՄՆ նախկին նախագահ Դոնալդ Թրամփի որդին՝ Էրիկ Թրամփը, հայտարարել է, որ չի բացառում քաղաքականության մեջ ներգրավվելու և ապագայում նույնիսկ նախագահական ընտրություններին մասնակցելու հնարավորությունը։ Նրա խոսքերով՝ ինքը լավ է հասկանում ամերիկացիների սպասումները և երկրի ներքին տրամադրությունները։

«Ես չեմ ասում, թե չէի կարող զբաղվել քաղաքականությամբ։ Կարծում եմ՝ կկարողանայի։ Ես հասկանում եմ այս երկրի տրամադրությունը… այնպես որ երբեք մի ասա՝ երբեք», — ասել է Էրիկ Թրամփը՝ իր հոր կուսակցական միջավայրում ունեցած ելույթի ժամանակ։

Նա հավելել է, որ երկար տարիներ անմիջականորեն ներգրավված է եղել ամերիկյան քաղաքականության գործընթացներում․ «Ես այնտեղ եմ եղել ամեն վայրկյան՝ այդ ամերիկյան “լեռնային ճանապարհների” վրա», — ասել է նա։ Ավելի վաղ Էրիկ Թրամփը հայտարարել էր, որ համոզված է՝ իր հայրը «անպայման կհասնի դրախտ», քանի որ, իր խոսքով, Դոնալդ Թրամփը «կանգնեցրել է մահն ու ավերումը ամբողջ աշխարհում»։