ԱՄՆ-ը կտրուկ կրճատել է փախստականների ընդունման քվոտան՝ պատմական նվազագույնի հասցնելով

Bloomberg-ի տվյալներով՝ ԱՄՆ-ն որոշել է նվազեցնել փախստականների ընդունման տարեկան քվոտան 125 հազարից մինչև 7,5 հազար մարդ, ինչը դարձել է ծրագրի ողջ պատմության ընթացքում ամենացածր ցուցանիշը։ Վաշինգտոնի հայտարարության մեջ այս քայլը հիմնավորվում է «հումանիտար և ազգային անվտանգության նկատառումներով»։

Ըստ նախագահ Դոնալդ Թրամփի հրամանագրի՝ առաջիկա ֆինանսական տարում նախապատվությունը տրվելու է սպիտակ մաշկ ունեցող հարավաֆրիկացիներին։ Այս որոշումը, ինչպես նշում է գործակալությունը, «կտրուկ փոփոխություն է ԱՄՆ ավանդական քաղաքականությունից», որն ամեն տարի ընդունում էր տասնյակ հազարավոր փախստականների, ովքեր փախչում էին պատերազմներից ու հալածանքներից։

Նշվում է, որ փախստականների վերաբնակեցման ծրագիրը այսուհետ չի ղեկավարվի Պետդեպարտամենտի կողմից․ դրա կառավարումը փոխանցվում է Առողջապահության և սոցիալական ծառայությունների նախարարությանը, որը ղեկավարում է Ռոբերտ Քենեդի-կրտսերը։ Նոր ծրագիրը նպատակ ունի սահմանափակել ներգաղթը և առաջնահերթություն տալ անգլախոս եվրոպացիներին և հարավաֆրիկացիներին։