Ինչպիսի խայտառակություն, եթե Վեհափառին ընդունող ֆրանսիական պաշտոնյաներն իմանան՝ ինչ կտտանքների է ենթարկվում Հայաստանում Եկեղեցին․ Լիլիթ Գալստյան

ԱԺ «Հայաստան» խմբակցության պատգամավոր Լիլիթ Գալստյանը գրում է. «Համեմատեք ու մտածեք։ Մինչ Հայ Առաքելական եկեղեցին ու Մայր Աթոռը անասելի ասպատակության է ենթարկվում սեփական երկրում, մինչ Արշակ Սրբազանին կալանավորում են ամենաստոր «հիմնավորումով» ու անթաքույց դիվային վարքով, Ն․Ս․Օ․ Տ․ Տ․ Գարեգին Բ-ն պատվով և արժանապատվությամբ դիմավորվում է Ֆրանսիայում/Մարսել/։ Իսկ Ֆրանսիայի Ազգային ժողովի պատգամավոր Վալերի Բուայեն զետեղում է այս նկարն ու սրտառուչ գրառումով մեկ անգամ ևս հաստատում հայ ժողովրդի իրավունքների համար իր աննահանջ վերաբերմունքը։

 

Ի դեպ, Վարերիի հետ ԵԱՀԿ ԽՎ անդամ ենք, և նրա աջակցությունը մշտապես եմ ունեցել։ Անգամ այն պարագայում, երբ քպ-ական պատգամավորները չաջակցեցին հայ ռազմագերիների օրակարգով իմ բանաձևին, Վարելին ինձ սատարողների մեջ առաջինն էր։ Շնորհակալություն Վալերի։

 

Հ․Գ․ Եվ, ինչ խայտառակություն ու ամոթ, եթե Վեհափառին ընդունող ֆրանսիական տարբեր բարձրաստիճան պաշտոնյաներ իմանան, թե ինչ կտտանքների է ենթարկվում Հայաստանում հայ առաքելական եկեղեցին ու ազատ խոսքը․․․

 

հ․գ․ էս սև օրերն անցնելու են, ու դուք՝ մղձավանջի բոլոր օղակներում դիվային հանձնարարություն կատարողներ, չեք կարողանալու ձեր կենսագրությունից ջնջել ամոթի խարանը․ հալու է հատուցման պահը, այն միշտ է գալիս»։