«Ազատությու՜նն է տարերքն իմ միակ, խնդրում եմ այդտեղ թողեք ինձ մենակ». 26-ամյա Լիլիթ Երմալովյանի վերջին գրառումը

Հրազդան գետում հայտնաբերված 26-ամյա Լիլիթ Երմալովյանի վերջին գրառումը.

«Բա՜ց թողեք,
Թողե՛ք թևերիս վերջապես բացվել․ Ձեր հեքիաթներին ես չեմ հավատում, Թե սուտ է՝ թռչունն է միայն արձակը,
Ես մի նոր անցո՜րդն եմ ժամանակի։ Վանել եմ ուզում առօրյա մաղձը, Սավառնել հեռու՝ գիրկը երազի։
Բայց թողեք, Թողեք ինձ կապող բոլոր լարերը, Եթե պատրա՜նք է աշխարհը այս, Եթե մարում են սիրո նոտաները, Փոշիացվում՝ երազանքները հզոր։ Թե անտեսվում են մարդկային բնույթի կախարդանքները, Եվ թե լոկ հորինվածք են այստեղ բարքերը։ Իսկ թերությունը՝ չհասկացվե՜լը, Բայց և պետք էլ չի, Թող որ ես լինեմ լուռ մոհիկանը։ Ու մեր մեջ ասած՝
Ինձ համար չեն չափ ու ձևերը,
Հրամցվող նեղ ոճերն ապրելու,
Ես տալիս եմ մերժման դիմումս
Հոգեմաշ այդ գերությունների:
Քարտեզով անցել եմ վաղուց 
Բևեռներն աղի ու քաղցրալի, Եկեք կոչենք դա փորձառություն։ Եվ ակնարկ՝ խորունկ հեղաշրջու՜մի։ Որ չմանրանամ էլ երկար-բարակ՝
Ազատությու՜նն է տարերքն 
իմ միակ, Խնդրում եմ այդտեղ թողեք 
ինձ մենակ»։