Շենգավիթի համայնքային ոստիկանները բացահայտեցին բեռնատարներից գողությունները
Իրավունք
Մարտի 9-ին ՆԳՆ «112» օպերատիվ կառավարման կենտրոնում ստացվեցին միանման երկու ահազանգ։ «Իվեկո» մակնիշի բեռնատարի վարորդը հայտնել էր, որ Արտաշատի խճուղում կայանված մեքենայի դուռը բացել են տեխնիկական միջոցներով և գողացել դիզելային վառելիքի լիցքավորման կտրոններ ու գումար։ Վնասը կազմել է շուրջ 156 հազար դրամ։ Մյուս դեպքում՝ «Վոլվո» բեռնատարի վարորդը տեղեկացրել էր, որ նույն կերպ բացել են Արարատյան փողոցում՝ մաքսային տերմինալի մոտ կայանված իր մեքենայի դուռը և գողացել գումար ու բջջային հեռախոս։ Վնասը գերազանցել է 500 հազար դրամը։
Ահազանգերի հիման վրա դեպքի վայրեր մեկնեցին Շենգավիթի համայնքային ոստիկանության ծառայողները։ Նախաձեռնվեց քրեական վարույթ։
Օպերատիվ-հետախուզական միջոցառումների արդյունքում պարզվեց, որ գողությունները կատարել են մայրաքաղաքի Իսակովի պողոտայի բնակիչ 30 և 31 տարեկան երկու եղբայրներ։ Պարզվեց նաև, որ նրանք հանցանքի վայր են մեկնել պատվիրած տաքսիներով՝ առաջին դեպքում մարտի 9-ի կեսգիշերն անց, երկրորդում՝ առավոտյան։
Մարտի 18-ին եղբայրները հայտնաբերվեցին, ձերբակալվեցին և տեղափոխվեցին Շենգավիթի բաժին։ Նրանց բնակարանում կատարված խուզարկությամբ հայտնաբերվեց ապակե տարա՝ լցված մարիխուանայի նմանվող մոտ 150 գրամ զանգվածով։
Նախաքննությամբ հանգամանքները պարզվում են։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
