ԱՄՆ Կոնգրեսը հայտարարել է՝ Թրամփն Իրանում պատերազմ չի սկսել

Հանրապետական ​​սենատոր Ջոն Քենեդին հայտարարել է, որ ԱՄՆ նախագահ Դոնալդ Թրամփը պատերազմ չի սկսել Իրանում, այլ «փորձում էր կանխել այն»։ Նրա խոսքերը մեջբերել է Fox News Business-ը։

«Ահա թե ինչու մենք միջամտեցինք Իրանի գործերին. մենք այլընտրանք չունեինք։ Նախագահը պատերազմ չի սկսել, նա փորձում էր կանխել այն։ Իրանը, ըստ էության, ասել է. «Մենք ամսական արտադրում ենք 200-600 հրթիռ, և մենք կուտակելու ենք այնքան հրթիռներ, որ երբ վերսկսենք մեր միջուկային ծրագիրը, եթե որևէ բան փորձեք, կոչնչացնենք ամբողջ Մերձավոր Արևելքը և կհարվածենք Լոնդոնին, Փարիզին և Բեռլինին», - ասել է Քենեդին։

Ըստ նրա՝ Թրամփը պետք է միջամտեր։ «ԱՄՆ նպատակն է ոչնչացնել որքան հնարավոր է շատ հրթիռների և անօդաչու թռչող սարքերի արտադրության օբյեկտներ, ինչպես նաև Իսլամական հեղափոխության պահապանների կորպուսի ենթակառուցվածքները, նավատորմը և ռազմաօդային ուժերը», -ասել է սենատորը։