Եվրամիությունը ձգտում է Հայաստանը վերածել իր ֆորպոստի. Զախարովա

Եվրամիության երկրները ձգտում են Հայաստանը վերածել իրենց ֆորպոստի, ճեպազրույցի ժամանակ հայտարարել է Ռուսաստանի արտաքին գործերի նախարարության խոսնակ Մարիա Զախարովան։

«Մենք տեսնում ենք, թե ինչպես է Եվրամիությունը ձգտում Հայաստանը վերածել իր ֆորպոստի։ Հայաստանի համաձայնությունը իր տարածքում նոր առաքելություն տեղակայելու վերաբերյալ, ակնհայտորեն, կապված է այն փաստի հետ, որ երկրի ղեկավարությունը հույս ունի օգտագործել այն եվրոպական ուղով իր առաջընթացը արագացնելու համար», - ասել է Զախարովան։

Նրա խոսքով՝ ԵՄ-ն որևէ իրական օգնություն չի տրամադրի, ինչպես որ իրական օգնություն չի տրամադրում այլ երկրներին, որոնց նրանք անընդհատ խոստանում են արագ անդամակցություն, բայց իրականում պարզապես արդյունահանում են ռեսուրսներ կամ շահագործում այդ երկրները իրենց քաղաքական նպատակների համար։