Հայաստանը երկրորդ մասնակիցն ունի ԵԱ-ի կիսաեզրափակիչում. Խնձրցյանը պայքարելու է եզրափակիչի համար

Ալբանիայի մայրաքաղաք Տիրանայում ընթացող ազատ ոճի ըմբշամարտի Եվրոպայի առաջնությունում Հայաստանի հավաքականի 57 կգ քաշային Մանվել Խնձրցյանը վստահ հաղթանակ է տարել և դուրս եկել մրցաշարի կիսաեզրափակիչ: Այս մասին տեղեկանում ենք armsport.am կայքից։

Այսօր երեկոյան հայ ըմբիշը կգոտեմարտի եզրափակիչի ուղեգրի համար:

​Մրցաշարի քառորդ եզրափակիչի շրջանակում Խնձրցյանն ուժերը չափել է Ռազվան Կովաչի հետ։ Հայ մարզիկը գոտեմարտի ընթացքում ունեցել է բացահայտ առավելություն և ժամանակից շուտ հաղթանակի հասել մրցակցի նկատմամբ՝ ապահովելով իր տեղը լավագույն քառյակում։

​Այսպիսով, մրցումային առաջին օրը Հայաստանի հավաքականից եզրափակիչի ուղեգրի համար կպայքարի երկու ըմբիշ. ավելի վաղ կիսաեզրափակիչի ուղեգիր էր նվաճել նաև 65 կգ քաշային Վազգեն Թևանյանը:

Հավելենք, որ կիսաեզրափակիչի գոտեմարտերը կմեկնարկեն ժամը 18:45-ին և կցուցադրվեն Առաջին ալիքի ուղիղ եթերում: