ԱՄՆ բանակի համար պատմական պահ է գրանցվել

ԱՄՆ զինված ուժերի կենտրոնական հրամանատարությունը՝ CENTCOM-ը, հայտարարել է, որ 2003 թվականից ի վեր առաջին անգամ Մերձավոր Արևելքում միաժամանակ տեղակայվել են երեք ամերիկյան ավիակիրներ։

Հրապարակման համաձայն՝ տարածաշրջանում գործողության մեջ են ներգրավված USS Abraham Lincoln (CVN-72), USS Gerald R. Ford (CVN-78) և USS George H.W. Bush (CVN-77) ավիակիրները։ Նրանց հետ միասին գործի են դրված ավելի քան 200 ինքնաթիռ, 12 նավ և շուրջ 15 հազար զինծառայող ԱՄՆ ռազմածովային ուժերից և ծովային հետևակից։

Նշվում է, որ երրորդ ավիակիրն՝ USS George H.W. Bush-ը, տարածաշրջան է ժամանել ապրիլի 23-ին։ Ընդհանուր առմամբ ԱՄՆ ռազմածովային ուժերը ներկայում ունեն 11 գործող ավիակիր։