Արտակարգ դեպք՝ Արմավիրի մարզում․ բժիշկներին հաջողվել է փրկել 68-ամյա տղամարդու կյանքը

SHAMSHYAN.com-ի տեղեկություններով՝ ապրիլի 16-ին դանակահարություն է տեղի ունեցել Արմավիրի մարզում։ Ժամը 11։30-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Արմավիրի մարզային քրեական վարչությունում և ՀՀ ՆԳՆ ոստիկանության համայնքային ոստիկանության գլխավոր վարչության Արմավիրի բաժնում տեղեկություն է ստացվել, որ դանակահարության հետևանքով մի քաղաքացի բուժօգնություն ստանալու նպատակով դիմել է «Արմավիր» բժշկական կենտրոն։

Ինչպես հայտնում է ֆոտոլրագրող Գագիկ Շամշյանը, քիչ անց կրկին տեղեկություն է ստացվել, որ ՀՀ ՆԳՆ ոստիկանության Պարեկային ծառայության Արմավիրի մարզի գումարտակի պարեկները նշված հանցագործությունը կատարող քաղաքացուն տեղափոխում են ոստիկանության Արմավիրի բաժին։

Գ․ Շամշյանի տեղեկություններով Արմավիրի մարզային քրեական վարչության, ոստիկանության Արմավիրի բաժնի ծառայողները Պարեկային ծառայության Արմավիրի մարզի գումարտակի 2-րդ վաշտի 1-ին դասակի պարեկների հետ միասին ձեռնարկված միջոցառումների արդյունքում պարզել են, որ ժամը 11։00-ի սահմաններում Արմավիր քաղաքի Երևանյան փողոցում միմյանց հետ վիճաբանել են Արմավիրի մարզի բնակիչներ 68-ամյա Դերենիկ Ս․-ն և 66-ամյա Գևորգ  Ս․-ն, որի ընթացքում Գևորգ Ս․-ն իր մոտ գտնվող սուր կտրող-ծակող առարկայով հարվածել է Դերենիկ Ս․-ի ձախ կողային հատվածին՝ պատճառելով «կրծքավանդակի ձախ կեսի կտրած-ծակած թափանցող վերք, կողոսկրի կոտրվածք» մարմնական վնասվածքը։Դեպքի փաստով կազմվել են փաստաթղթեր, որոնք ձերբակալված Գևորգ Ս․-ի հետ միասին ներկայացվել են ՀՀ Քննչական կոմիտեի Արմավիրի մարզային քննչական վարչություն։