Ռուսական նոր հրթիռները կտրուկ կուժեղացնեն Հնդկաստանի Սու-30ՄԿԻ կործանիչները

Հնդկաստանին ռուսական Ռ-37Մ «օդ-օդ» դասի հեռահար հրթիռների վաճառքը կարող է էականորեն փոխել Սու-30ՄԿԻ կործանիչների հնարավորությունները։ Military Watch Magazine-ի տվյալներով՝ խոսքը մոտ 300 հրթիռի մասին է, իսկ գործարքի արժեքը գերազանցում է 1,2 միլիարդ դոլարը։

Հրապարակման համաձայն՝ Ռ-37Մ հրթիռները գրեթե երեք անգամ մեծացնում են հարվածի հեռավորությունը, որը հասնում է մինչև 350-400 կիլոմետրի։ Դրանք զարգացնում են հիպերձայնային արագություն՝ մոտ վեց Մախ, և ունեն 61 կիլոգրամ քաշով մարտական գլխիկ։ Մասնագետները նշում են, որ այս ցուցանիշներով դրանք համադրելի են չինական PL-17 և ամերիկյան AIM-174 հրթիռների հետ։

Փորձագետների գնահատմամբ՝ այս զինատեսակի մատակարարումը կարող է էապես փոխել տարածաշրջանային օդային ուժերի հավասարակշռությունը՝ բարձրացնելով Հնդկաստանի ռազմաօդային ուժերի հարվածային ներուժը։ Միևնույն ժամանակ, քննարկվում են նաև Սու-30ՄԿԻ կործանիչների լայնածավալ արդիականացման ծրագրեր, որոնք կարող են լրացուցիչ ուժեղացնել դրանց մարտունակությունը։