«Զարմացել եմ՝ տեսնելով իրանցիների արցունքները»․ Թրամփը՝ Խամենեիի հուղարկավորության մասին

ԱՄՆ նախագահ Դոնալդ Թրամփը հայտարարել է, որ հետևում է Իրանի գերագույն առաջնորդ Ալի Խամենեիի հուղարկավորության արարողությանը և այնտեղ ներկա իրանական ղեկավարության ներկայացուցիչներին։

Թրամփի խոսքով՝ տեսականորեն հնարավոր կլիներ մեկ հարվածով ոչնչացնել հավաքված ղեկավարությանը, սակայն, նրա կարծիքով, նման քայլը նպատակահարմար չէ, քանի որ այդ դեպքում ԱՄՆ-ը չի ունենա բանակցային գործընկեր։

«Մեկ հարվածը բավական է բոլորին ոչնչացնելու համար, սակայն մենք չենք գնա այդ քայլին, քանի որ այդ դեպքում մեզ հետ բանակցող չի լինի»,- ասել է ԱՄՆ նախագահը։

Թրամփը նաև խոսել է Խամենեիի հրաժեշտի արարողության ժամանակ մարդկանց արձագանքի մասին՝ նշելով, որ զարմացել է՝ տեսնելով սգացող և լացող իրանցիներին։

Նրա խոսքով՝ նախկինում ինքը կարծում էր, թե Իրանում շատերը բացասաբար են վերաբերվում Խամենեիին, ուստի կասկածի տակ է դրել սգո տեսարանների անկեղծությունը։

«Ես զարմացա՝ տեսնելով, թե ինչպես են որոշ իրանցիներ լաց լինում։ Կարծում էի, որ մարդիկ ատում էին Խամենեիին։ Գուցե դրանք կեղծ արցունքներ են, իսկ գուցե՝ ոչ»,- նշել է Թրամփը։