Միջազգային սկանդալ. ԵԱՀԿ գլխավոր քարտուղարը, կարծելով Փաշինյանի հետ է խոսում, պատրաստակամություն է հայտնել՝ աջակցել Կաթողիկոսին փոխելու գործին

Եվրոպայում անվտանգության և համագործակցության կազմակերպության (ԵԱՀԿ) գլխավոր քարտուղար Ֆերիդուն Սինիրլիօղլուն հայտնվել է, մեղմ ասած, վատ իրավիճակում։ «Վովան և Լեքսուսը» նրան ստիպել են խոստովանել, որ պատրաստ է աջակցել Ամենայն Հայոց կաթողիկոսի դեմ Նիկոլ Փաշինյանի ձեռնարկած արշավին ու գործողություններին:

Ամեն ինչ սկսել է այն բանից, որ ռուս հայտնի պրանկերներ «Վովան և Լեքսուսը» (իսկական անունները՝ Վլադիմիր Կուզնեցով և Ալեքսեյ Ստոլյարով) զանգահարել են ԵԱՀԿ գլխավոր քարտուղարին ու ներկայացել որպես Հայաստանի վարչապետ Նիկոլ Վովայի Փաշինյան։ Եվրոպացի գործիչը հավատացել է դրան։

Հիշեցնենք, որ Հայաստանի իշխանությունները տևական ժամանակ լայնածավալ հարձակում են սկսել Հայ Առաքելական եկեղեցու դեմ՝ ձերբակալելով բազմաթիվ բարձրաստիճան հոգևորականների։

«Վովան և Լեքսուսը» -Ես ակնկալում եմ այդ հարցում ԵԱՀԿ աջակցությունը, որ դուք կարող եք ինձ օգնել այդ հարցում․

ԵԱՀԿ գլխավոր քարտուղար- Ես դրան էլ կանդրադառնամ։ Ի դեպ, կարո՞ղ եք դա անել։ Կարո՞ղ եք փոխարինել Կաթողիկոսին։

«Վովան և Լեքսուսը» - Եվ կարծում եմ՝ այժմ հաղթաթղթերն իմ ձեռքում են, և մենք կարող ենք փոխել կրոնը։ Ձեզանից միայն աջակցություն եմ ակնկալում այն ​​պահին, երբ բախվենք Կարապետյանի դաշնակիցների կողմից հնչող կոշտ քննադատությանը։

ԵԱՀԿ գլխավոր քարտուղար -Շատ լավ, ես կանեմ ամեն հնարավորը։