ԱՄՆ-ում 90 մարդ է ձերբակալվել` 260 մլն դոլարի բժշկական ապահովագրությունների հետ կապված խարդախության համար

ԱՄՆ-ում 90 մարդ է կալանավորվել Միացյալ Նահանգների Medicare՝ զառամյալների և հաշմանդամների օգնության համերկրային ծրագրի հիմնադրամներից 260 միլիոն դոլարի յուրացման մեղադրանքով: Այս մասին հայտարարել է Ֆլորիդայի նահանգի գլխավոր դատախազ Ուիլֆրեդո Ֆեռերը:

Ձերբակալվածների մեծ մասը բժիշկներ են, դեղատների տերեր և կլինիկաների սեփականատերեր: Ըստ դատախազության տվյալների՝ նրանք Medicare-ին հաշիվներ են ներկայացրել չպահանջված կամ գոյություն չունեցող բժշկական ծառայությունների համար: Բացի դրանից, մեղադրյալներից ոմանք զառամյալ մարդկանց կաշառքներ են տվել, որպեսզի նրանք թուլ տան օգտվել իրենց անուններից կեղծ հաշիվներ ներկայացնելիս:

Չարագործների մեծ մասը բնակվում է Ֆլորիդայում: Սույն գործով կալանավորումներ են կատարվել նաև Դետրոյտում, Նյու Յորքում, Լոս Անջելեսում և Հյուսթոնում:

2007 թվականից ի վեր, երբ ԱՄՆ-ի իշխանություններն ուժեղացրին պայքարը բժշկական խարդախության դեմ, արդեն կալանավորվել է ավելի քան 1,9 հազար մարդ: Բժշկական ապահովագրության հետ կապված խարդախությունների պատճառով պետությանը հասցված վնասը, նախնական գնահատումներով՝ կազմում է 6 միլիարդ դոլար, հաղորդել է ԻՏԱՌ-ՏԱՍՍ-ը: