ՄԱԿ-ի փորձագետներն իրենց զեկույցում նշել են Ուկրաինայում բողոքի ակցիաների արմատականացումը

ՄԱԿ-ի՝ Մարդու իրավունքների գերագույն կոմիսարի վարչությունը նշում է Ուկրաինայում բողոքի ակցիաների արմատականացումը և քննադատում է ոստիկանության անգործությունը: Այս մասին ասված է Ուկրաինայում հիշյալ վարչության մոնիթորինգային պատվիրակության զեկույցում:

«Նկատվել է միտում, երբ խաղաղ բողոքը հանկարծ վերածվում է դաժան ընդհարման»,- ասված է միաժամանակ Ժնևում և Կիևում ներկայացված փաստաթղթում:

ՄԱԿ-ի՝ Մարդու իրավունքների գերագույն կոմիսարի վարչության փորձագետները նաև անհանգստություն են հայտնել երկրի արևելքում շարունակվող պատժիչ գործողության ընթացքում մարդկանց բռնի անհետացումներին ուկրաինական բանակի մասնակցության վերաբերյալ հաղորդումների կապակցությամբ:

Վերջին ժամանակներս Ուկրաինայում դիմակայության հետևանքով զոհվել է շուրջ 250 մարդ, հայտարարել է մարդու իրավունքների հարցերով ՄԱԿ-ի գլխավոր քարտուղարի օգնական Իվան Շիմանովիչը՝ ելույթ ունենալով «Ուկրաինայի ճգնաժամային կենտրոնում» կայացած ճեպազրույցում: Իր զեկուցման մեջ նա վկայակոչել է այն տվյալները, որոնք հավաքել են մոնիթորինգային պատվիրակությունները և հասարակական կազմակերպությունները: Միևնույն ժամանակ, ինչպես նշել է Շիմանովիչը, «ուկրաինական ճգնաժամում անդառնալիության կետը դեռևս անցած չէ», և կոչ է արել հնարավոր ամ են ինչ անել իրադրության ապաէսկալացման համար, հաղորդել է ԻՏԱՌ-ՏԱՍՍ-ը: