3D-տպիչի միջոցով բրիտանացի բժիշկները 71-ամյա կնոջը վերադարձրել են ինքնուրույն քայլելու հնարավորությունը

Մեծ Բրիտանիայի բժիշկները 71-ամյա կնոջը վերադարձրել են ինքնուրույն քայլելու հնարավորությունը՝ նրան փոխպատվաստելով կոնքազդրային հոդ, որն ստեղծվել է 3D-տիպիչի միջոցով: Այս մասին հաղորդել է Sky News հեռուստաալիքը:

Տիտանե պրոթեզը, որը պատվերով պատրաստվել է Մերիլ Ռիչարդսի համար, նախագծվել է իսկական հոդի պատկերով և նմանությամբ: Մինչ այն կպատվաստվեր, բրիտանուհին ստիպված է եղել տանել 6 անհաջող վիրահատություն: «Այն, որ ես կրկին կկարողանամ քայլել, պարզապես ֆանտաստիկա է, ես անսահման երջանիկ եմ»,- հայտարարել է Ռիչարդսը հեռուստաալիքին տված հարցազրույցի ժամանակ:

Փոխպատվաստման վիրահատությունը կատարել են Սաութհեմփթոնում՝ Մեծ Բրիտանիայի հարավում: Բուն պրոթեզի արտադրությամբ զբաղվել է Բելգիայի Mobilife ֆիրման, որը հիվանդի մարմնի համակարգչային նկարների հիման վրա կարողացել է վերաստեղծել հոդը:

Վիրաբույժ Դուգլաս Դանլոպի խոսքով, որը կատարել է վիրահատությունը` «տիտանը չափազանց ամուր է և որպես պրոթեզ երկար կծառայի»: «Մենք Մերիլ Ռիչարդսի ցողունային բջիջներն օգտագործել ենք որպես սոսինձ հոդի սևեռակման համար»,- պարզաբանել է նա: Բժիշկները համոզված են, որ առաջիկա տարիներին հիվանդը կարող է մոռանալ նախկին ցավերի մասին և հազիվ թե կրկին հայտնվի հիվանդանոցում, հաղորդել է ԻՏԱՌ-ՏԱՍՍ-ը: