Վրաստանում սողանքից հետո չեն գտել յոթ մարդու

Վրաստանի Անվտանգության և ճգնաժամերի կառավարման խորհուրդը հայտարարել է, որ Վրաստանի Դարիալի կիրճում տեղի ունեցած սողանքից հետո չգտնված է համարվում յոթ մարդ: Սպասվում է եղանակի վատացում, ինչն իր հերթին կբարդացնի որոնողափրկարարական աշխատանքները: Այս մասին տեղեկացնում է «Նովոստի Գրուզիան»:

Մայիսի 17-ի առավոտյան Վրաստանի տարածքում տեղացել սառցախառը սելավ, որը փակել է Ռազմավիրական ճանապարհը և Թերեք գետի հունը: Դարիալի կիրճում «Կազբեկ» (Վրաստան) - «Վերին Լարս» (Ռուսաստան) սահմանապահ անցակետի աշխատանքը դադարեցված է ինչպես վրացական, այնպես էլ ռուսական կողմից: Սողանքը վթարային իրավիճակ է առաջացրել «Հյուսիս - Հարավ» մայր գազատարում, որով ռուսական գազը տարանցմամբ փոխադրվում է Հայաստան:

«Ըստ չհաստատված տեղեկատվության՝ ժայռի բեկորների տակ են հայտնվել բեռնատար ավտոմեքենաներ: Բացի դրանից, ըստ նախնական տեղեկատվության՝ սողանքի պահին թունելում, որտեղ տեղի էին ունենում շինարարական աշխատանքներ, նույնպես փլվածքների տակ է մնացել մի քանի անձ»,- ասված է Խորհրդի հայտարարության մեջ:

Դրանում նաև նշվում է, թե չնայած այն բանին, որ փրկարարները որոնողական աշխատանքներն անցկացնում են ինտենսիվորեն, շուրջօրյա ռեժիմով, ջրի մակարդակը գերազանցված է և սողանքի զանգվածը բավականին մեծ է, ինչն իր հերթին խանգարում է առավել արդյունավետ աշխատանքներ իրականացնելուն:

Մաքրման աշխատանքներում, որոնք համակարգում է Վրաստանի ենթակառուցվածքի և տարածաշրջանային զարգացման նախարարությունը, ներգրավված է մինչև 20 միավոր ծանր տեխնիկա: