Ուկրաինացիների 73,4 տոկոսը դեմ է երկրի դաշնայնացմանը

Ուկրաինացիների բացարձակ մեծամասնությունը` 73,4 տոկոսը, այն կարծիքին է, որ Ուկրաինան պետք է մնա ունիտար պետություն: Այդ մասին հղում անելով «Ուկրինֆորմին», վկայում են «Ուկրաինան` նախագահական ընտրությունների նախօրեին, մայիս» համաուկրաինական սոցիոլոգիական հարցման արդյունքները, որը հրապարակել է «Ուկրաինսկայա պրավդան»:

Հետազոտությունն անցկացրել են երեք ծառայություններ` Սոցիալական և մարկետինգային հետազոտությունների ՍՈՑԻՍ կենտրոնը, Կիևի սոցիոլոգիայի միջազգային ինստիտուտը և «Ռեյտինգ» սոցիոլոգիական խումբը:

Ուկրաիներենի՝ որպես միասնական պետական լեզվի կարգավիճակը պաշտպանում է ուկրաինացիների 38,2 տոկոսը:

Ռուսաց լեզվին պաշտոնականի կարգավիճակ տրամադրումը Ուկրաինայի առանձին տարածաշրջաններում պաշտպանում է բնակչության 27,3 տոկոսը: Դրա հետ մեկտեղ հարցման մասնակիցների 30,7 տոկոսն այն կարծիքին է, որ Ուկրաինայում թե′ ուկրաիներենը, թե′ ռուսերենը պետք է լինեն պետական լեզուներ:

Ուկրաինացիների 73,4 տոկոսը պաշտպանում է Ուկրաինայի պետական կառուցվածքի ներկայիս ունիտար ձևը: Երկրի դաշնայնացման կողմնակիցները կազմում են հարցվածների 15,8 տոկոսը:

Հետազոտությունն անցկացվել է այս տարվա մայիսի 8-13-ը: Դրան մասնակցել են Ուկրաինայի 18 և ավելի բարձր տարիքի բնակիչներ: