«Գազպրոմը» և CNPC-ն պարտավորագիր են ստորագրել Չինաստանին գազ մատակարարելու վերաբերյալ

«Գազպրոմը» և CNPC-ն մայիսի 21-ին բնական գազի առք ու վաճառքի պարտավորագիր են ստորագրել, որը կմատակարարվի արևելյան ուղեգծով, տեղեկացնում է ՌԻԱ Նովոստին:

Արևելյան ուղեգծով Չինաստանին գազի մատակարարման նախագծի վերաբերյալ փոխըմբռնման հուշագիր էր ստորագրվել տակավին 2013 թվականի մարտին: Այդ ժամանակվանից կողմերին ոչ մի կերպ չէր հաջողվում վերջնական համաձայնության գալ գնի հարցի շուրջ:

«Գազպրոմի» ղեկավար Ալեքսեյ Միլլերն ավելի վաղ հայտնել է, որ ընկերությունը կարող է ՉԺՀ-ից կանխավճար ստանալ գազի մատակարարումների դիմաց, որոնք կարող են սկսվել 2018 թվականին տարեկան 38 մլրդ խորանարդ մետր ծավալով՝ մինչև 60 մլրդ խորանարդ մետր հնարավոր աճով: Պարտավորագիրը պլանավորվում էր կնքել 30 տարով:

Պարտավորագրի ստորագրման վերաբերյալ տարածված հաղորդագրությունից հետո «Գազպրումի» բաժնետոմսերն արժեքի կտրուկ աճ են արձանագրել:

Մինչդեռ «Գազպրոմի» ղեկավարը հրաժարվել է հայտնել Չինաստանի համար ռուսական գազի գինը՝ պատճառաբանելով, որ դա առևտրային գաղտնիք է: