Կիևը հայտարարել է հատուկ գործողության եզրափակիչ փուլին պատրաստ լինելու մասին. Տուրչինով

Ուկրաինայի Գերագույն ռադայի խոսնակ, նախագահի ժամանակավոր պաշտոնակատար Ալեքսանդր Տուրչինովը հայտարարել է, որ Կիևի իշխանությունները պատրաստ են Ուկրաինայի արևելյան շրջաններում հատուկ գործողության եզրափակիչ փուլն իրականացնելուն: Այս մասին հայտնում է itar-tass-ը:

«Տուրչինովը խորհրդակցություն է անցկացրել Սլավյանսկի մոտակայքում տեղակայված հատուկ գործողության զինվորական ճամբարի ուժայինների հետ: Խորհրդակցության ընթացքում քննարկվել են գործողությունների վերջին փուլի հիմնական հանձնարարականները ու ծրագրերը»,- ասվում է Ուկրաինայի Գերագույն ռադայի մամուլի ծառայության տարածած հաղորդագրության մեջ:

Ըստ Տուրչինովի՝ բանակը պատրաստ է Դոնեցկի և Լուգանսկի շրջաններում ապահովել նախագահական ընտրությունների անցկացումը, որը նշանակված է մայիսի 25-ին: