Կենդանիներ, որոնք խոսել գիտեն (լուսանկարներ, տեսանյութեր)

Եթե դուք ունեք ընտանի կենդանի, ապա հավանաբար գոնե առնվազն մի քանի անգամ խոսել եք նրա հետ` այնպես, ինչպես մարդ և մտերիմ ընկեր: Բայց կենդանիները խոսել չգիտեն: Կամ էլ կարող են խոսել: Առաջարկում ենք Ձեզ ընթերցել տասը տարբեր կենդանիների մասին, որոնք որքան էլ, զարմանալի է, խոսել գիտեն: 

1. Կոշեկն ասիական փիղ է, որը յուրահատուկ տաղանդ ունի՝ կարողանում է խոսել, չնայած գիտի կորեերեն ընդամենը հինգ բառ՝ «բարև», «նստել», «ոչ», «պառկել» և «լավ» բառերը: Կոշեկն ապրում է Հարավային Կորեայի «Էվերլենդ» կենդանաբանական այգում: Փղի մարզիչները հայտնում են, որ Կոշեկն սկսել է խոսել մարդկային լեզվով դեռ 2004 թվականից, որից հետո նրա մոտ սկսել է զարգանալ խոսելու ունակությունը:

2. ՆՈԿ-ն իր առաջին բառերն արտաբերել է 1984 թվականին` 9 տարեկան հասակում: Մարդու համար սա բավականին ուշ տարիք է համարվում, սակայն ոչ ՆՈԿ-ի համար: Նրան որսացել են 1977 թվականին, երբ նա դեռ ձագ էր, և արդյունքում նա սովորեց կրկնօրինակել մարդկային խոսքը բավականին վաղ հասակում։ Ցավոք, նրա ունակությունը հանկարծակի անհետացավ, երբ նա չորս տարի անց սեռական հասունացման հասավ: Այնուամենայնիվ, փաստը, որ նման բան առհասարակ տեղի է ունեցել, զարմանալի է:

3. Ալեքս մոխրագույն թութակը գիտական հետազոտությունների է ենթարկվել 13 տարի: Նրան գնել են, երբ նա դեռ մեկ տարեկան էր: Նրա տերը՝ Իրեն Պեպերբերգը, Արիզոնայի համալսարանում կենդանիների հոգեբան է աշխատել և սովորեցրել էր կենդանիներին շփվել կենդանական աշխարհի այլ ներկայացուցիչների հետ: Անգամ Ալեքսի անունը Animal Learning Experiment անվանումով հետազոտման փորձի հապավումն է: Իր կյանքի վերջում՝ 2007 թվականին, թութակը տարբերում էր 50 օբյեկտ, ուներ 100 բառից բաղկացած բառապաշար, ասում էին՝ նա չորս տարեկան երեխայի մտածողություն ունի: Իր տիրոջն ուղղված թութակի վերջին խոսքերը եղել են՝ «Քեզ լավ պահիր»:

4. Գուվեր փոկին 1971 թվականին գտան Ջորջ և Էլիս Սվոլոուները, երբ նա դեռ ձագ էր: Նրա «մարդ ծնողները» շատ լավ են կենդանու մասին հոգ տարել. նա ստացել է անուն, կերել է տոննաներով ձուկ և շուտ մեծացել: Մեծանալուց հետո սկսել է ապրել իր «ծնողների» տան մոտ գտնվող լճակում: Այստեղ էլ սկսել է խոսել և նմանակել ձայներ, այդ թվում՝ յուրահատուկ անգլիական շեշտադրությամբ: Արդյունքում Գուվերը տեղափոխվել է Նոր Անգլիայի ջրաշխարհ, որտեղ զվարճացնում էր իր այցելուներին՝ «Դե, ողջույն», «Կորի’ր այստեղից» արտահայտություններով: Գուվերը մահացել է 1985 թվականին:

5. Օդին՝ չնայաց իր հիմար անվան, ամենևին էլ հիմար չի: Չնայած Օդիի բառապաշարը սահմանափակվում է ընդամենը երեք բառով, սակայն այդքանն էլ բավական եղավ ԱՄՆ-ի բնակիչների ուշադրությունը և սերը գրավելու համար: Շանը ցուցադրել են նաև «Поздно ночью» հեռուստաշոուի ժամանակ, որտեղ շունը գոչում էր իր տիրոջ համար «Ես քեզ սիրում եմ»:

6. Նկիսին շատ ավելի մեծ բառապաշար ունի և ավելի խորն է ընկալում շրջապատը, քան նախորդ թութակը: Նա գիտի 950 բառ, նա կարողանում է դրանք օգտագործել ճիշտ կոնտեքստում, հաճախ նա խոսում է ամբողջական նախադասություններով: Նա նաև կարողանում է անվանումներ հորինել այն իրերի համար, որոնց անվանումն իրեն ծանոթ չէ:

7. Չնայած Բլեկի կատուն գիտական հետազոտությունների չի ենթարկվել, սակայն նրան նույնպես կարելի է համարել ամենահայտնի խոսող կենդանիներից մեկը: Նա կարողանում էր ասել «Ես սիրում եմ քեզ» և «Ուզում եմ մայրիկի մոտ»: 1970-ականներին Բլեկին գումարով հանդես էր գալիս տեղի հեռուստատեսությամբ:

8. Միշկան` խոսող խասկին, նոր ինտերնետ-սենսացիա է դարձել։ Նրա հարստացող բառապաշարում կան այնպիսի խոսքեր, ինչպես են «Բարև», «Ես քեզ սիրում եմ», «Ես սոված եմ»: Լավ է, որ խասկին կարողանում է արտաբերել ընդամենը այս երեք բառակապակցությունները, այլապես բավականին մեծ պահաջների ցուցակ կկազմվեր:

9. 18 տարեկան Էյնշտեյն թութակը՝ Թենեսի նահանգի Նոքսվիլի կենդանաբանական այգու բնակիչը, գիտի մոտ 200 բառ, 70 ժեստ և կարողանում է մարդկանց իրարից տարբերել: Երբ նրան հարցրել են՝ ինչ կանի, եթե արախիս ստանա, նա գլուխը շարժել է և ասել. «Աստված իմ, Աստված իմ»:

10. Կապիկ Լյուսիի մասին պատմվում է Թեմերլի «Մեծացնել մարդ. Շիմպանզեի աղջիկը Հոգեթերապևֆտների ընտանիքում» վեպում:
Թեմերլինը և նրա կինը Լյուսիին մեծացրել են մարդու պես, սովորեցրել ուտել սպասքի օգնությամբ, ճիշտ պահել սեղանի շուրջ և հագնվել: Լյուսին սովորել է 140 բառ, որոնք պարբերաբար օգտագործել է: