Թաիլանդում զինվորական հեղաշրջում է կատարվել

Թաիլանդի բանակը զինվորական հեղաշրջում է իրականացրել: Համապատասխան հայտարարությունը տեղական հեռուստատեսության եթերով արել է ցամաքային զորքերի ղեկավար գեներալ Պրայուտ Չան-Օչան:

«Քաղաքական հակառակորդների միջևբանակցություններն արդյունք չտվեցին»,-հայտնել է նա:

Ավելի վաղ զինվորականները ձերբակալել էին քաղաքական ճգնաժամից դուրս գալու շուրջ անցկացվող բանակցությունների մասնակիցներին, որը կազմակերպել էր Թաիլանդի բանակի ղեկավարությունը: Բանակցություններին ներկա են եղել հակակառավարական ցուցարարների, կառավարամետ «կարմիրշապիկավորների», ընդդիմադիր Դեմոկրատական կուսակցության և կառավարող «Պիա տայ» կուսակցության ներկայացուցիչներ:

Ինչպես նշել է թաիլանդական հեռուստատեսությունը, հանդիպման մասնակիցները դուրս են բերվել բանակցությունների անցկացման վայրից և տարվել են անհայտ ուղղությամբ, հաղորդել է ԻՏԱՌ-ՏԱՍՍ-ը: