Վլադիմիր Պուտինը կոչ է արել հրաժարվել հնացած տրամաբանությունից, աշխարհաքաղաքական խաղերից
Ռուսաստան
Ռուսաստանի նախագահ Վլադիմիր Պուտինը կոչ է արել համաշխարհային հանրակցությանը կայունության և անվտանգության պահպանման նպատակով հրաժարվել հնացած տրամաբանությունից, զրոյական արդյունքով աշխարհաքաղաքական խաղերից և այլ պետությունների գործերին միջամտություններից, որոնք «գունավոր հեղափոխություններ» են հրահրում, տեղեկացնում է ՌԻԱ Նովոստին:
«Ներկա պայմաններում ձեր հանդիպումների օրակարգն առանձնակի կարևորություն է ստանում: Միջազգային հարաբերությունների նոր բազմակենտրոն համակարգի կայացման գործընթացը դյուրին չի ընթանում, ուղեկցվում է գլոբալ անկայունության սաստկացմամբ»,- անվտանգության հարցերին նվիրված միջազգային խորհդաժողովի մասնակիցների համար Պուտինի ուղերձը մեջբերել է ՌԴ-ի պաշտպանության նախարար Սերգեյ Շոյգուն:
«Պահպանվում է լարվածությունը Մերձավոր Արևելքի և Հյուսիսային Աֆրիկայի տարածաշրջանում, Աֆղանստանի իրադրության հետ կապված լուրջ վտանգներ կան: Ակներև է, որ ժամանակակից մարտահրավերներն ու սպառնալիքները պահանջում են հրաժարվել հնացած տրամաբանությունից, զրոյական արդյունքով աշխարհաքաղաքական խաղերից և մյուս ժողովուրդներին սեփական դեղատոմսերն ու արժեքային կողմնորոշիչները պարտադրելու փորձերից, այդ թվում՝ «գունավոր հեղափոխությունների» ճանապարհով»,- նշել է Պուտինը:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
