Վենեսուելան վաճառում է նախագահ Մադուրոյի հանրանավը քաղաքացիական ինքնաթիռներ գնելու համար

Վենեսուելայի իշխանությունները որոշում են ընդունել վաճառել երկրի նախագահին սպասարկող հանրանավը՝ երկու նոր քաղաքացիական ինքնաթիռներ գնելու համար, որոնք կաշխատեն միջազգային երթուղիներում: Այդ մասին հայտնել է երկրի ծովային և օդային տրանսպորտի նախարար Էբերտ Գարսիա Պլասան:

«Այժմ մենք սկսել ենք նվեր ստացած նախագահական Airbus-ի վաճառքի գործընթացը՝ առնվազն երկու ինքնաթիռ ձեռք բերելու համար»,- մեջբերում է Noticias24 հրատարակությունը Պլասայի խոսքն՝ ուղղված նախագահ Նիկոլաս Մադուրոյին: Ավելի վաղ պետության ղեկավարն իր հանրանավը հանձնել էր Վենեսուելայի Conviasa պետական ավիաընկերության տնօրինմանը:

Պլասան նաև հայտնել է, որ մոտ ժամանակներս այդ ընկերությունը կսկսի թռիչքները Կարակաս – Հռոմ երթուղով՝ Իտալիայի Alitalia ավիաընկերության կողմից թռիչքների դադարեցումը համակշռելու համար:

Ըստ Օդային տրանսպորտի միջազգային ասոցիացիայի (IATA) տվյալների՝ երկիր թռիչքներ իրականացնող արտասահմանյան ավիաընկերությունների հանդեպ Վենսուելայի իշխանությունների պարտքի ընդհանուր գումարը հասել է 4 միլիարդ դոլարի: Այժմ շուրջ 20 արտասահմանյան փոխադրողներ Վենեսուելայի կառավարությունից պահանջում են լուծել այդ պարտքի մարման հարցը, հաղորդել է ՌԻԱ Նովոստին: