Պորոշենկոն կրկին հրաժարվել է Տիմոշենկոյի հետ հեռուստաբանավեճից

Ուկրաինայի նախագահի թեկնածու, միլիարդատեր Պյոտր Պորոշենկոն մայիսի 23-ին չի մասնակցի «Շուստեր LIVE» ծրագրին, որին երկրի նախկին վարչապետ Յուլյա Տիմոշենկոն նրան հրավիրել է բանավեճի: Այդ մասին մայիսի 23-ին հաղորդել է Պորոշենկոյի մամուլի ծառայությունը:

Պորոշենկոն և Տիմոշենկոն պետության ղեկավարի պաշտոնի առավել հավանական թեկնածուներն են: Սոցիոլոգիական հարցումների վերջին տվյալների համաձայն՝ Պորոշենկոյին պատրաստ է պաշտպանել հարցվածների 44,6 տոկոսը, իսկ Տիմոշենկոյին՝ 8,4 տոկոսը:

Ավելի վաղ, ինչպես հաղորդել են ԶԼՄ-ները, Պորոշենկոն պատրաստակամություն էր հայտնել մասնակցել բանավեճերին, բայց հրաժարվել է մասնակցել հեռուստաշոուին: Տիմոշենկոյի շտաբը մայիսի 23-ին կրկին դիմել է Պորոշենկոյին՝ կոչ անելով օգտվել քարոզչության վերջին օրից (մայիսի 23)՝ բանավեճ անցկացնելու համար:

«Ուկրաինայի նախագահի թեկնածու Պյոտր Պորոշենկոն ուրբաթ օրը՝ մայիսի 23-ին, «Շուստեր LIVE» ծրագրին չի մասնակցի հանդիպումների հագեցած գրաֆիկի պատճառով, որոնք պլանավորված են այդ օրը»,- ասված է հաղորդագրության մեջ, հաղորդել է ՌԻԱ Նովոստին: