Ուկրաինայում սկսվել են նախագահական արտահերթ ընտրությունները

Ուկրաինայում այսօր՝ մայիսի 25-ին մեկնարկել են նախագահական ընտրությունները. տեղական ժամանակով 09:00-ին երկրում բացվել են ընտրական տեղամասերը: Բացի այդ, մի շարք բնակավայրերում, այդ թվում նաև Կիևում, անցկացվում են տեղական ինքնակառավարման մարմինների ընտրությունները:Այս մասին հայտնում եմ ria.ru-ն։

«Ընտրություններին իրավունք ունեն մասնակցել 35.5 մլն քաղաքացի։ Աշխատանքները կսկսվեն 33674 ընտրատեղամասերում»,-ասվում է ԿԸՀ-ի պաշտոնական կայքում:

Ուկրաինայի ընտրողների կոմիտեի գլխավոր տնօրեն Ալեքսանդր Չերնենկոյի խոսքերով՝ Դոնեցկի և Լուգանսկի մարզերում արտահերթ ընտրությունները կարող են տեղի չունենալ 34 շրջանից 21-ում:

Հարցումների համաձայն, Ուկրաինայի նախագահական ընտրություններին պատրաստ է մասնակցել քվեարկելու իրավունք ունեցողների 80 տոկոսը: Ուկրաինայում ընտրողների քանակը կազմում է 33.7 միլիոն մարդ՝ առանց հաշվի առնելու Ղրիմն ու Սևաստոպոլը: Նրանցից 3.3 միլիոնը բաժին է ընկնում Դոնեցկի մարզին, իսկ 1.77 միլիոնը՝ Լուգանսկի մարզին: Նրանց բաժին է ընկնում ընտրատեղամասերի 5 տոկոսը: