Իսրայելում ծայրահեղական հրեաներին արգելված Է մոտենալ Հռոմի պապին

Իսրայելի ոստիկանությունը դուրս Է գրել օրդերներ, որոնք հրեական աջ ծայրահեղական շրջանների մի քանի ներկայացուցիչների արգելում Է հայտնվել այն շրջաններում, որտեղ կգտնվի Հռոմի Ֆրանսցիսկոս պապը, ով ուխտագնացության Է ժամանել Սուրբ երկիր:

Նրանք չեն կարող, մասնավորապես, հայտնվել Երուսաղեմի պատմական կենտրոնում, որտեղ կենտրոնացված են քրիստոնեության, հրեականության եւ իսլամի սրբավայրերը, որոնք պատրաստվում Է դիտել քահանայապետը:

«Ոստիկանությունը դուրս Է գրել պապի այցի նախաշեմին մի քանի աջ ակտիվիստների տեղաշարժումները սահմանափակող օրդերներ, որպեսզի թույլ չտա սադրիչ միջադեպեր»,- հայտնել Է իրավապահ մարմինների մամուլի քարտուղար Միկի Ռոզենֆելդը:

Աջ ծայրահեղական ակտիվիստները, որոնք կապված են նորաբնակների արմատական շրջանների հետ, համարվում են քրիստոնեական եկեղեցիների եւ վանքերի, մահմեդական մզկիթների նկատմամբ վանդալիզմի, պաղեստինցիների ունեցվածքի եւ նույնիսկ իսրայելական բանակի օբյեկտների փչացման կասկածյալները:

Ուխտագնացության շրջանակներում Ֆրանցիսկոսը կայցելի Հորդանան, Պաղեստինի Բեթղեհեմ քաղաք, իսկ այնուհետեւ երկու օր՝ կիրակի եւ երկուշաբթի, կանցկացնի Իսրայելում, որտեղ պլանավորված են աղոթքներ, հանդիպումներ հիմնական կրոնական դավանանքների հովվապետների եւ հրեական պետության ղեկավարների հետ:

Տեղական մամուլը գրում Է, որ քահանայապետը, որը հայտնի Է իր ասկետիզմով, հրաժարվել Է զրահապատ ավտոմոբիլից եւ մտադիր Է տեղաշարժվել «սովորական փոխադրամիջոցով»: Այնուամենայնիվ, այցի անվտանգության ապահովման համար երկրի ոստիկանությունը մտադիր Է գործի դնել 8 հազար աշխատակիցների, հաղորդել Է ՌԻԱ Նովոստին: