Ուկրաինայի խորհրդարանը երկրորդ փորձից իր համաձայնությունն է տվել՝ Պավել Շերեմետին պաշտոնաթող անելու համար

Ուկրաինայի խորհրդարանը երկրորդ փորձից հետո տվել է իր համաձայնությունը Պավել Շերեմետին ազատելու տնտեսական զարգացման և վաճառքի նախարարի պաշտոնից: Համապատասխան որոշմանը կողմնակից է եղել պատգամավորներից 252-ը, այնինչ որոշումը կընդունվեր նույնիսկ 226 ձայնով: Այս մասին հայտնում է ԻՏԱՌ-ՏԱՍՍ-ը: 

Ինքնակամ պաշտոնաթող լինելու մասին որոշումը Շերեմետան ներկայացրել է օգոստոսի 20-ին, և այն ուղղված է եղել երկրի ռադային: Առավոտյան կայացած նիստի ժամանակ խորհրդարանն արդեն վերանայել է նրան պաշտոնաթող անելու հարցը, որին սկզբում կողմ են եղել պատգամավորներից միայն 213-ը:

Շերեմետան Ֆեյսբուք սոցկայքի էջում իր որոշումը բացատրելով, գրել է. «Երեկվա համակարգի դեմ պայքարելու փոխարեն՝ ես որոշել եմ կենտրոնանալ վաղվա մարդկանց հետ աշխատանքի վրա, որոնք կառուցելու են վաղվա համակարգը»:

Պավել Շերեմետան նշանակվել է Ուկրաինայի տնտեսական զարգացման և վաճառքի նախարար 2014թ.-ի փետրվարի 27-ին: Նա համարվում է նաև Համաշխարհային տնտեսական ֆորումում Ուկրաինայի հարցերով զբաղվող Գլոբալ խորհրդի նախագահի տեղակալ, ստրատեգիայի և զարգացման նախարար Լվովի խորհրդատուն և Կենտրոնական և Արևելյան Եվրոպայի մենեջմենթի զարգացման տնօրենների խորհրդի Ասոցիացիայի անդամը: