Պակիստանում առնվազն 40 մարդ է զոհվել մուսոնային անձրևների հետևանքով

Պակիստանի նահանգներում վերջին մի քանի օրվա ընթացքում առնվազն 40 մարդ է զոհվել մուսոնային սաստիկ անձրևների հետևանքով: Այդ մասին, ինչպես տեղեկացնում է «Արմենպրես»-ը, սեպտեմբերի 5-ին հաղորդել է «Ասոշիեյթեդ պրես» գործակալութձունը՝ հղում անելով տեղական իշխանություններին:

Ինչպես հայտնել է Պակիստանի տարերային աղետների դեմ պայքարի ազգային վարչության պաշտոնական ներկայացուցիչ Ահմադ Կամալը, երկրի արևելքի Լահոր քաղաքում առնվազն 13 մարդ է զոհվել շենքերի տանիքների փլվելու հետևանքով, որոնք չեն դիմացել ջրահոսքերին: Մնացած զոհվածների վերաբերյալ տեղեկատվություն առայժմ չի ստացվել:

Բացի այդ, ինչպես ավելի վաղ հաղորդվել է, Հնդկաստանի Ջամուի և Քաշմիրի նահանգում, որը սահմանակից է Պակիստանին, 32 մարդ է զոհվել այն բանից հետո, երբ հզոր ջրահոսքը կիրճն է նետել մարդատար ավտոբուսը: Նահանգի մի քանի գետերում ջրի մակարդակը բարձրացել է կրիտիկական նշագծից: Երկրի իշխանությունները հայտարարել են ջրհեղեղի սպառնալիքի մասին երեք օր չդադարող անձրևներից հետո: Պակիստանի բնակիչները բավական հաճախ են զոհ գնում առատ տեղումների հրահրած տարերային աղետներին: Այսպես, 2010 թվականին երկրում ջրհեղեղի զոհ դարձավ շուրջ 1700 մարդ, հաղորդել է ՌԻԱ Նովոս տին: