Ռուսաստանն ակնկալում է ԵԱՀԿ-ի աջակցությունը Պուտինի խաղաղության ծրագրի վերաբերյալ. Նարիշկին

Ռուսաստանը հենվում է ԵԱՀԿ և նրա Խորհրդարանական վեհաժողովի աջակցության վրա' ՌԴ նախագահ Վլադիմիր Պուտինի՝ Ուկրաինայում գործող ճգնաժամի իրավիճակի վերահսկման վերաբերյալ խաղաղության ծրագրին: Այս մասին հայտարարել է ՌԴ Պետդումայի խոսնակ Սերգեյ Նարիշկինը ԵԱՀԿ Խորհրդարանական վեհաժողովի նախագահ Իլկա Կաներվայի հետ հանդիպման ժամանակ:

«Մենք, ընդհանուր առմամբ դրականորեն ենք գնահատում ԵԱՀԿ դերն Ուկրաինայում գործող ճգնաժամի իրավիճակի վերահսկման ծրագրում, այդ թվում նաև՝ ԵԱՀԿ դիտորդների գործունեությունը ռուս-ուկրաինական սահմանում, ովքեր հրավիրված են իրականացնելու այդ տեսակի դիտորդական առաքելություն ՌԴ նախաձեռնությամբ և հրավերով»,- հայտարարել է Նարիշկինը:

«ԵԱՀԿ դիտորդների աշխատանքը շատ ազնիվ և պրոֆեսիոնալ է: Նրանք պարբերաբար հայտարարում են, որ Ռուսաստանի կողմից դեպի Ուկրաինա ռուսական զորքերի և զինված տեխնիկայի տեղափոխություն չի եղել»,- ընդգծել է Նարիշկինը:

Այս առումով, Ռուսաստանի խորհրդարանի ստորին պալատի խոսնակի մոտ զարմանք են առաջացնում հակառակ բնույթի անակնկալ հայտարարությունները, որոնք սկզբում հնչել են երեկ և դրա նախորդ օրը՝ նախ Տալլինում, այնուհետև ՆԱՏՕ-ի գագաթնաժողովին՝ Ուելսում:

«Այդ հայտարարություններ կոնտրաստային են հնչել ՌԴ նախագահ Վլադիմիր Պուտինի նախաձեռնած՝ Ուկրաինայի հարավ-արևելքում կրակի դադարեցման և խաղաղության աստիճանական վերականգման ծրագրի հետ համեմատած: Մեր կարծիքով՝ սա իսկապես իրական և կառուցողական ծրագիր է կոնֆլիկտի լուծման համար: Մենք հույս ունենք, որ ԵԱՀԿ-ն և ԵԱՀԿ ԽՎ-ն կաջակցի այս ծրագիրը»,- ասել է Նարիշկինը: