«Նախիջևանում ձերբակալում են բոլոր հավատացյալ մարդկանց, ովքեր մզկիթ են հաճախում»
Բլոգոսֆերա
Ադրբեջանագետ Սարգիս Ասատրյանը ֆեյսբուքյան իր էջում գրել է.
«Լուրեր են ստացվել, որ վերջին օրերին Նախիջևանում ձերբակալում են բոլոր հավատացյալ մարդկանց, ովքեր մզկիթ են հաճախում՝ անկախ կրոնական ուղղությունից: Բոլոր պետական վարչություններին ներքին հրաման է տրված աշխատանքից ազատել նամազ անողներին: Ինքնավար հանրապետությունում շատ մզկիթներ փակվել են: Այս մասին հայտնում է Նախիջևանից փախած մի անձ, ով նույնպես ենթակա էր ձերբակալության: Նա ասել է, որ միայն Շարուրի շրջանից մոտ 120 մարդ ձերբակալել և տարել են բանտ, որտեղ նրանց անձամբ փայտով ծեծել է Նախիջևանի ներքին գործերի նախարար, գեներալ Ահմադ Ահմադովը: Այնուհետև նրանց ստիպել է կռվել միմյանց դեմ: Խոսքը վերաբերվում է սուննիներին ու շիաներին իրար դեմ ստիպողաբար կռվացնելուն: Այդ մարդը որպես պատճառ նշել է, որ Նախիջևանի իշխանությունները մտավախություն ունեն, որ կրոնավորները կարող են ընկնել արտաքին ուժերի ազդեցության տակ: Ընդ որում, հաջորդ օրն այդ ձերբակալվածներից սուննիներին բաց են թողել, իսկ շիաների գործը դեռ քննվում է. փորձում են ճշտել՝ արդյոք վերջիններս կապվա՞ծ են Իրանի հետ, թե՞ ոչ: Մեկ ուրիշ հավատացյալ, որը նոր է դուրս եկել բանտից, հաստատել է այն փաստը, որ բանտերում նրանց անմարդկային տանջանքների են ենթարկել»:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
