«Ուրախալի է, որ գնալով մեծանում է զորամասեր այցելելու ցանկություն հայտնող ծնողների թիվը». Տարոն Մարգարյան
Բլոգոսֆերա
Երևանի քաղաքապետ Տարոն Մարգարյանը ֆեյսբուքյան իր էջում գրել է.
«Երեկ ՀՀ պաշտպանության նախարար Սեյրան Օհանյանի հետ ճանապարհեցինք ՀՀ սահմանամերձ գոտիներում և ԼՂՀ պաշտպանության բանակում ծառայող երևանաբնակ զինծառայողների շուրջ 950 ծնողների։
Ուրախալի է, որ գնալով մեծանում է զորամասեր այցելելու ցանկություն հայտնող ծնողների թիվը. նրանք տեղում համոզվում են, որ մեր բանակում զինվորի նորմալ ծառայություն անցկացնելու համար ստեղծված են բոլոր պայմանները:
Մի գեղեցիկ ավանդույթ էլ է ձևավորվել. Արցախի պաշտպանության բանակի հրամանատարի հետ ձեռքբերված պայմանավորվածության համաձայն մենք ոչ միայն ծնողներին ենք ուղարկում զորամասեր, այլև ծառայության ժամանակ աչքի ընկած մեր զինվորներին ենք լրացուցիչ արձակուրդի հնարավորություն ընձեռում և նրանք են գալիս Երևան: Այս տարի արդեն 400-ից ավելի զինվոր 5-օրյա արձակուրդ է ունեցել:
Իմ խորին շնորհակալությունն եմ հայտնում Պաշտպանության նախարարությանն՝ ի դեմս նախարար պարոն Սեյրան Օհանյանի, ինչպես նաև Արցախի պաշտպանության բանակի հրամանատարությանը՝ այս կարևոր ծրագրերի իրականացմանը մեծապես աջակցելու համար»:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
