«Եվրասիականի կայացման հնարավորությունը նվազում է»
Բլոգոսֆերա
Արմեն Գրիգորյանը ֆեյսբուքյան իր էջում գրել է.
«Ոնց որ թե հավանական է դառնում, որ շաբաթն ուրբաթից շուտ գա. Եվրասիականի կայացման հնարավորությունը նվազում է, փոխարենը Ռուսաստանի տնտեսությունը կտրուկ գահավիժում է` արժույթի շուկայում անխուսափելի քաոսի նշաններով, որին կհետևի խուճապը: Իրենց պարագայում ամեն ինչ պարզ է, ըստ էության. այսպես ասած «զատոկռիմվաշ»:
Հիմա մնում է սպասել, երբ Հայաստանը Եվրասիական մտցնելու կողմնակիցները կսկսեն արդարանալ` իբրև թե իրենք այնքան «իրապաշտ», «պրագմատիկ» և իհարկե հեռատես և իմաստուն էին, որ նախորոք հաշվարկել էին, որ Եվրասիականը չի կայանալու, և իրենց դիրքորոշումը պայմանավորված էր պարզապես Հայաստանն «ուկրաինական մղձավանջից» փրկելու ազնիվ մղումով:
Միանգամից ասեմ. արդարացման փորձերը դատապարտված են լինելու թեկուզ այն պարզ պատճառով, որ 2013 թ. սեպտեմբերի 3-ից հետո սույն գործիչները չբողոքեցին ՍՍ-ի կայացրած որոշման դեմ` առավելագույնը պնդեցին, որ իրենք եթե ՍՍ-ի տեղում լինեին` «արժանապատիվ» ձևով կմիանային: Մինչդեռ Ուկրաինայում այն ժամանակ դեռ ոչ մի արտառոց բան տեղի չէր ունենում»:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
