Պորտապար` երեխաների համար նախատեսված ամանորյա հանդեսի ընթացքում (լուսանկար)

Ռեժիսոր Տիգրան Խզմալյանը ֆեյսբուքյան իր էջում գրել է.

«Այսօր երկու թոռնիկներիս որոշեցի տանել փոքր Ֆիլարմոնիա, Առնո Բաբաջանյանի անվան համերգային դահլիճ, որտեղ ներկայացվում էր «Մաշան եւ առջը» Ամանորյա հանդեսը: Ցերեկվա ժամը 12:00, Երեւանի կենտրոնում, Հանրապետության հրապարակի հարեւանությամբ: Թոռներս 4,5 ու 2,5 տարեկան են: Մնացած երեխաները, ում բերում էին հանդեսի նույնպես նախադրպրոցական տարիքի էին: Գովազդը խոստանում էր "ուրախ մանկական ներկայացում սիրված հեքիաթային հերոսների մասնակցությամբ, լուսա-հնչյունային էֆեկտներ եւ օճառի պղպջակներ": Սկզբից հնչեց հունական էստրադային երգ, որի ներքո բեմ բարձրացավ Սոնա անունով ու մերկապարուհու զգեստով մի աղջիկ, որն, ինչպես պարզվեց հետագայում, մանկական հանդեսի գլպավոր դերակատարն էր, համենայնդեպս նա չորս թե հինգ անգամ պարեց տարբեր գույնի եւ կարճության զգեստներով ողջ ներկայացման ընթացքում: Նրան ձայնակցում էին ոմն Աբոն ու եւս մի երիտասարդ, որին ներկայացրեցին իբրեւ «սիրված սերիալների դերասան»:

Հունական երգից հետո սերիալների մեկ այլ աստղ ռուսերեն երգեց «Էխ ռազ, եշչո ռազ, վեսելիս Կավկազ» երգը, որը զվարճացրեց ֆենած մազերով մի քանի մայրիկների, սակայն չտպավորեց նրանց պզտիկներին: Աբոն երգեց «Ջան, ջան, ու'ր կորար» ուրախ ու երեւի թե մանկական երգը: Մնացած ծնողները զարմացաց ու ոմանք էլ զայրացած իրար էին նայում, պատրաստվելով երեխաներին գրկած դուրս գալ դահլիճից, սակայն հաղորդավարը պարբերաբար հայտնում էր, որ շուտով սկսվելու է բուն մանկական հեքիաթը, եւ երեխաները խնդրում էին մնալ ու սպասել: Մնացինք ու սպասեցինք:

Չորրորդ երգից հետո ի վերջո բեմ եկան փողոցում լուսանկարվող կենդանիների դիմակներով առջն ու Քիթի կատուն, որի զգեստի միջից երեւում էր տղամադու մազոտ մարմինը: Քիթին շարունակ հանում էր Առջի տակից աթոռը եւ դա կոչված էր հողորել ներկայացմանը խինդ ու ծիծաղ: Երեխաները լարված սպասում էին հեքիաթի: Վերջում Ձյունանուշիկի կարճ զգեստով սերիալների աստղը դիմեց երեխաներին կոչով միշտ լսել պապիկներին ու տատիկներին եւ ասաց, որ այս պատմության իմաստը կհասկանան, երբ մեծանան: Պորտապարուհին որոշեց այդքան չսպասեցնել եւ հանդեսի ավարտին կատարեց եւս մի պար, ըստ երեւույթի մեծացած-փոքրացածների' համար: Լուսանկարը կցում եմ, տոմսի հետ միասին:

Մենք առանձնապես արդեն չենք զարմանում երբ մեզ խաբում են: Սակայն այսպես խաբել երեխաներին չի կարելի: Ամոթ է: Նրանք դեռ չգիտեն, որ հեքիաթները պետք է բարի ու մոգական լինեն, նրանք հավատում են մեծերին եւ չարաշահել այդ հավատը' ծանր մեղք է: Կոռպոռատիվ գիշերային շօուների համար պահեք ձեր էժանագին ռաբիզությունը, մանկապղծությամբ մի զբաղվեք, ի սեր Աստծո...
Հա, մոռացա ասել' օճառի պղպջակներն իսկական էին: Միակ իսկական բանը անճակության այս խրախճանքում»: