«Ձագ ջան, ինչխ ըսիմ. որ հասկնաս, սև թուրքերը գացին, շեկ թուրքերն էկան»
Բլոգոսֆերա
Արձակագիր Դավիթ Սարգսյանը ֆեյսբուքյան իր էջում գրել է.
«Ինչպե՞ս կարելի է մեր ժողովրդի մտածողության և հոգեբանության մեջ մտցնել տարրական մի ճշմարտություն, որ ժողովուրդների բարեկամություն հասկացությունը խորհրդային ժամանակներից մնացած խաբկանք է՝ չկա և չի կարող նման ապուշություն գոյություն ունենալ:
Ամեն ժողովուրդ, հատկապես մենք, ազգ դառնալու և ինքներս մեզ հարգելու խնդիր ունենք, ինքնուրույն մեր խնդիրները լուծելու ուղեղ պետք է ունենանք, որ որպես այդպիսին չվերանանք:
Մեզ անհրաժեշտ է օր առաջ ունենալ ազգային պետական քաղաքականություն, որպես այն ողնաշարը, որի վրա միս ու արյունն են ձևավորվում: Իսկ այդ կմախքը մենք չունեցանք տգետների պատճառով:
Իսկ տատս ասում էր.
- Ձագ ջան, ինչխ ըսիմ. որ հասկնաս՝ սև թուրքերը գացին, շեկ թուրքերն էկան...
Եվ այսպես շարունակ...Դուք ու ձեր Աստված»:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
