Ես ինքս եմ հայտնել, որ իմ գործողություններում հնարավոր է լինեն կարգապահական խախտման հատկանիշներ. Թամարա Յայլոյան

Վալերի Պերմյակովի նախկին փաստաբան Թամարա Յայլոյանը ֆեյսբուքյան իր էջում գրել է.

«Իմ շատ սիրելի ընկերներ, հուզվեցի, երբ կարդացի այն, ինչ գրել եք: Ես ձեզ շատ եմ սիրում: Ուզում եմ բոլորիդ ասել, որ ես ինքս եմ հայտնել, որ իմ գործողություններում հնարավոր է լինի կարգապահական խախտման հատկանիշներ և վստահում եմ իմ պալատին, համոզված եմ, որ վերջինս անաչառ քննություն կկատարի և համապատասխան որոշում կկայացնի: Կոչ եմ անում բոլորին հանդուրժողականություն դրսևորել, մեր ուժը մեր միասնության մեջ է, և պետք չէ մոռանալ, որ ամենադժվար պահերին Փաստաբանների պալատը միշտ մեր և մասնավորապես իմ կողքին է եղել»: