ԱՄՆ-ում առնվազն վեց մարդ է զոհվել գնացքի և ավտոմեքենայի բախման հետևանքով

Մերձքաղաքային գնացքը փետրվարի 3-ի երեկոյան Նյու Յորքի նահանգի Վելհալլա շրջանում հարվածել է ավտոմեքենայի: Associated Press-ի տվյալներով՝ վթարի և դրան հաջորդած հրդեհի հետևանքով զոհվել է վեց մարդ, տուժել են ևս 12-ը, տեղեկացնում է «Արմենպրես»-ը:

Զոհերի թվում են Cherokee ջիպի վարորդը և գնացքի հինգ ուղևոր: Ողբերգությունը տեղի է ունեցել այն ժամանակ, երբ արգելափակոցն իջել է ավտոմեքենայի վրա, որը կանգ էր առել երկաթգծին: Ջիպը վարող կինը դուրս է եկել՝ ստուգելու՝ արդյոք ավտոմեքենայի հետ ամեն ինչ կարգին է, այնուհետև նա վերադարձել է մեքենա և առաջ շարժվել: Այդ պահին մեքենային հարվածել է գնացքը:

Լոկոմոտիվը արտաճանապարհայինը քարշ է տվել տասը վագոնի չափով, ինչից հետո ավտոմեքենայում բռնկած հրդեհը տարածվել է գնացքի առաջին վագոնի վրա:

Այժմ տեղում աշխատում են հրշեջներն ու բժիշկները: Երկաթուղու այդ հատվածում երթևեկությունը դադարեցված է:

Գնացքում ընդամենը եղել է շուրջ 800 ուղևոր: Նրանցից 400-ին փրկարարները տեղափոխել են տեղի մարզական կենտրոն: Պատահարի վայր են ուղարկվել տասնյակ ավտոբուսներ, որպեսզի նրանց հասցնեն նշանակման վայր: