Ռուսաստանից վերջին մեկ տարում հեռացել է 30 հազար ադրբեջանցի

2014 թվականի երկրորդ կեսից սկսած Ռուսաստանի Դաշնությունից հեռացել է Ադրբեջանի 30 հազար քաղաքացի, ովքեր այդ երկիր էին ժամանել աշխատելու:

Այս մասին, ինչպես հաղորդում է «Արմենպրես»-ը, հայտնում է RBK-ն' հղում կատարելով ՌԴ դաշնային հակամենատիրական ծառայության տվյալներին:

Հիշյալ ժամանակաշրջանում Ռուսաստանից հեռացած միգրանտների թվով Ադրբեջանի քաղաքացիները զբաղեցնում են երրորդ տեղը' Ուզբեկստանից և Տաջիկստանից հետո:

Նշվում է, որ աշխատանքային միգրանտները Ռուսաստանից հեռանում են ռուբլու թուլանալու և արտոնագրային համակարգ մտցվելու պատճառով:

2015 թվականի հունվարի 1-ից Ռուսաստանում աշխատելու համար արտասահմանցիները, բացի Եվրասիական տնտեսական միության անդամ երկրների քաղաքացիներից, պետք է արտոնագիր ստանան:

Ենթադրվում է, որ մինչ այժմ նվազագույնը 30 հազար քաղաքացու վերադարձն Ադրբեջան, որոնք Ռուսաստանից փող էին ուղարկում իրենց ընտանիքներին և հարազատներին, ավելի կծանրացնի սոցիալական վիճակն այդ երկրում: