ՆԱՏՕ-ն ավելի քան կրկնակի կմեծացնի Հակազդման ուժերի զորակազմը. Ստոլտենբերգ
Աշխարհ
ՆԱՏՕ-ում որոշել են ավելի քան կրկնակի մեծացնել այսպես կոչված Հակազդման ուժերի թվակազմը՝ ներկայիս 13 հազարից մինչև 30 հազար մարդ: Այդ մասին, ինչպես տեղեկացնում է «Արմենպրես»-ը, հայտնել է Հյուսիսատլանտյան դաշինքի գլխավոր քարտուղար Ենս Ստոլտենբերգը: Ընդսմին հակազդման ուժերի կազմում բարձր պատրաստության խումբը բաղկացած կլինի 5 հազար մարդուց:
«Դա մեր Հակազդման ուժերի ուժեղացում է: Ներկայումս դրանք ներառում են 13 հազար մարդ: Հուսով եմ, որ նախարարները որոշում կընդունեն այդ ուժերը շուրջ 30 հազարի հասցնելու մասին»,- հայտարարել է Ստոլտենբերգը ՆԱՏՕ-ն անդամ երկրների պաշտպանության նախարարների նիստից առաջ, որը տեղի է ունենալու փետրվարի 5-ին:
Ինչպես նշում է ՌԻԱ Նովոստին, ՆԱՏՕ-ի Հակազդման ուժերը ներառում են ցամաքային զորքերի, ռազմաօդային ուժերի, ռազմածովային ուժերի և հատուկ գործողությունների ուժերի բաղադրիչներ, որոնք Հյուսիսատլանյան դաշինքը կարող է արագորեն ծավալել անհրաժեշտության դեպքում:
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
