Դուբայում կսկսվի ստորջրյա շքատների վաճառքը

Հաջորդ շաբաթ Դուբայում կմեկնարկեն The World արհեստական արշիպելագում շքատների վաճառքները, տեղեկացնում է «Արմենպրես»-ը՝ հղում անելով Էմիրությունների The National թերթին: Շքատները մեկ երրորդով գտնվում են ջրի տակ: Անշարժ գույքի նման օբյեկտի սկզբնական արժեքը գնահատվում է 5 մ իլիոն դիրխամ, ինչը կազմում է մոտավորապես 18,3 միլիոն դոլար:

Kleindienst Group դևոլեպերական ընկերության ներկայացուցչի խոսքով, որը մեջբերում է հրատարակությունը, եռահարկ շքատները՝ ստորջրյա առաջին հարկով, կկառուցվեն եվրոպական ոճով: Համալիրի շինարարությունը կավարտվի միայն 2017 թվականին, սակայն արդեն վաճառքի հրավերներ են ուղարկվել պոտենցիալ ներդրողներին:

«Գյուղը» կտարածվի վեց կղզիների վրա, որոնք ներառված են «Եվրոպայի սիրտ» անվանումը կրող նախագծում: Ամբողջությամբ վերցված արհեստական արշիպելագն ուրվագծով հիշեցնում է Երկրագնդի մայր ցամաքները: Այն գտնվում է Դուբայի ափերից մոտավորապես չորս կիլոմետր հեռավորության վրա: The World կղզիների մակերեսը տատանվում է 46,5 հազարից մինչև 140 հազար քառակուսի մետր: