Օլանդը մեկնում է Մոսկվա՝ «համաձայնագիր կնքելու» Ուկրաինայի հարցով
Աշխարհ
Ֆրանսիայի նախագահ Ֆրանսուա Օլանդը հայտարարել է, որ պատրաստվում է Մոսկվա մեկնել Գերմանիայի կանցլեր Անգելա Մերկելի հետ Ուկրաինայի հարավ-արևելքում ճգնաժամի շուրջ համաձայնության հասնելու համար: Նրա խոսքերը մեջբերել է Reuters գործակալությունը:
«Մենք մի քանի ժամ ենք անցկացրել Կիևում, որի նպատակն էր, իհարկե, համաձայնության հասնելը», - ասել է Օլանդը Փարիզում՝ նախքան Մոսկվա մեկնելը:
Նրա խոսքով` «բոլոր կողմերը համոզված են, որ հրադադարի հաստատումը միայն առաջին քայլն է, բայց դա բավարար չէ».
«Անհրաժեշտ է համապարփակ համաձայնության ձեռք բերումը», - հավելել է նախագահը:
Հինգշաբթի Կիևում Անգելա Մերկելը Ֆրանսիայի նախագահ Ֆրանսուա Օլանդի և Ուկրաինայի նախագահ Պյոտր Պորոշենկոյի հետ բանակցություններ է անցկացրել: Այսօր Մոսկվայում նախատեսվում է Մերկելի, Օլանդի և ՌԴ նախագահ Վլադիմիր Պուտինի եռակողմ հանդիպումը:
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
