«Եվրամիությունը հանգուցային գործընկեր կմնա ԵՏՄ-ի երկրների համար». Խրիստենկո

Եվրամիությունը հանուցային գործընկեր կմնա Եվրոպական տնտեսական միության (ԵՏՄ) մասնակից երկրների համար. չնայած ընթացիկ դժվարություններին, առկա է Եվրահանձնաժողովի հետ երկխոսություն վարելու շահագրգռություն: Այդ մասին, ինչպես տեղեկացնում է «Արմենպրես»-ը՝ հղում անելով ՌԻԱ Նովոստիին, հայտարարել է Եվրասիական տն տեսական հանձնաժողովի կոլեգիայի նախագահ Վիկտոր Խրիստենկոն:

«Եվրոպական միությունը ոչ միայն առևտրական, այլև ներդրումային, տեխնոլոգիական փոխգործակցության ասպարեզում և մի շարք այլ ասպեկտներովեղել ու մնում է հանգուցային գործընկեր, և հատկապես այս տեսակետից, չնայած ընթացիկ դժվարություններին, մենք այն քննարկում ենք միջնաժամկետ հեռանկարի համար: Մեր կողմից տեխնիկական կոնսուլտացիաներ են տարվում փորձագետների մակարդակով: Մենք չունենք, բայց շահագրգռված ենք Եվրահանձնաժողովի հետ համակարգային երկխոսություն կազմակերպելու հարցում, որպեսզի իրականացնենք ընդհանուր տնտեսական տարածքի ստեղծման գաղա փարն ու նախագիծը»,-ասել է Խրիստենկոն:

«Մենք դրանում շահագրգռված ենք, դրանում շահագրգռված են Միության բոլոր երկրները, իսկ ընթացիկ դժվարությունները գուցե միայն պետք է բոլորին ոգևորությամբ համակեն՝ պատասխաններ գտնելու նաև նման իրավիճակներում»,-նշել է նա մամուլի ասուլիսում: