ԱՄՆ-ը չպետք է միջամտի բոլոր հակամարտություններին. Օբամա

ԱՄՆ-ն չպետք է տրվի արտասահմանում տեղի ունեցող բոլոր իրադարձությունների գայթակղությանը: Այս մասին հայտնել է korrespondent.net-ը՝ վկայակոչելով ԱՄՆ նախագահ Բարաք Օբամային:

Նա ներկայացրել է իր վերջին երկու տարվա ազգային անվտանգության ռազմավարության նախագիծը:

29 էջանոց փաստաթղթում ներկայացվում է Օբամայի անփոփոխ կարծիքն աշխարհում Ամերիկայի դերի մասին, փոխանցում է Associated Press-ը:

Այն չի նախատեսում էական փոփոխություններ՝ ընդդեմ «Իսլամական պետության» կամ Ռուսաստանի և Ուկրաինայի միջև հակամարտության ռազմական արշավի մեթոդների հանդեպ մոտեցումներում:

Նախագծում շոշափվում են նաև կիբերանվտանգության ապահովմանը, կլիմայի փոփոխությունների դեմ պայքարին և աշխարհում միասեռականների իրավունքների ապահովմանն առնչվող հարցեր:

Օբաման հայտարարել է, որ երկրի ռեսուրսներն ու ազդեցությունն անսահմանափակ չեն:

ԱՄՆ-ն չի սկսկելու լայնամասշտաբ ցամաքային պատերազմ այնպիսի խմբավորումների դեմ, ինչպիսին է «Իսլամական պետությունը»: Նրանց դեմ պայքարն իրականացվելու է հակաահաբեկչական գործողությունների օգնությամբ: