Աֆղանստանի արևելքում «Թալիբանի» գրոհայինները աղջիկների դպրոց են պայթեցրել

Աֆղանստանի արևելքում գտնվող Նուրիստան նահանգում «Թալիբան» շարժման զինյալները շաբաթ օրը պայթեցրել են աղջիկների համար նախատեսված դպրոցը: Այս մասին հայտնել է ՏԱՍՍ-ը:

Ինչպես հաղորդել են երկրի ՆԳՆ-ից՝ հարձակման է ենթարկվել նաև տեղական հիվանդանոցը:

Ոստիկանության տվյալներով՝ ծայրահեղականները ուսումնական հաստատությունում խոշոր պայթյունավտանգ ռումբ են տեղադրել: Պայթյունի հետևանքով շենքերի համալիրը գրեթե ամբողջությամբ ոչնչացվել է: Հարձակման հետևանքով հնարավոր զոհերի մասին դեռևս չի հաղորդվում:

Վերջին երկու շաբաթների ընթացքում, դա արդեն երկրորդ նման տեսակի լայնամաշտաբ քարոզարշավն է, որն իրականացվել է այդ տարածաշրջանում թալիբների կողմից: