Ադրբեջանական գերեզմանոցներում բոլոր գերեզմանաքարերը օրենքով «կստանդարտացվեն»
Աշխարհ
Ադրբեջանում օրինագիծ է պատրաստվում գերեզմանաքարերի և հուղարկավորման վայրերի մասին:
Ինչպես հաղորդում է «Արմենպրես»-ը, ադրբեջանական ԶԼՄ-ները, հղում կատարելով Ադրբեջանի կրոնական կառույցների հետ աշխատանքի գծով պետական կոմիտեի նախագահ Մուբարիզ Գորբանլըին, հայտնում են, որ օրինագծի դրույթների համաձայն, նախատեսվում է, որ Ադրբեջանում բոլոր գերեզմանաքարերը պետք է լինեն «ստանդարտ»:
«Գերեզմանոցներում գերեզմաններն իրարից չպետք է տարբերվեն: Դրա հետ կապված համապատասխան փաստաթուղթը կազմվել է իսլամական արժեքները պաշտպանելու նպատակով», -նշել է նա:
Գուրբանլըն նաև նշել է, որ ճիշտ չեն խոսակցություններն այն մասին, որ Ադրբեջանում հուղարկավորման վայրերը վաճառվում են: «Կան որոշակի տուրքեր, որոնք շատ փոքր են: Որոշ քաղաքացիներ ասում են, որ հուղարկավորման տեղերը վաճառվում են, սակայն, դա ճիշտ չէ: Այդ վայրերը գտնվում են պետության ենթակայության տակ: Եթե որևէ մեկից մեծ փողեր են պահանջում, անհրաժեշտ է դիմել համապատասխան մարմիններին և Պետկոմիտե»,- ասել է Գուրբանլըն:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
