Կանադայի գերագույն դատարանը թույլատրել է Էվթանազիան
Աշխարհ
Կանադայի գերագույն դատարանը փետրվարի 6-ին ընդունել է որոշում, որի համաձայն՝ բժիշկները իրավունք ունեն օգնել ծանր և անբուժելի հիվանդություններով տառապող հիվանդներին ինքնակամ հեռանալ կյանքից: Կանադայի գերագույն դատարանի բոլոր ինն անդամները միաձայն որոշում են կայացրել (1993 թվականից Կանադայում էվթանազիան արգելված էր):
«Արմենպրես»-ի հաղորդմամբ՝ Կանադայի գերագույն դատարանի որոշման համաձայն՝ յուրաքանչյուր ծանր հիվանդ, ով ցանկություն կհայտնի ինքնակամ հեռանալ կյանքից, պետք է տա գրավոր համաձայնություն: Բացի այդ, էվթանազիան կիրառվելու է միայն անբուժելի և անասելի ծանր ցավեր ունեցող չափահասների նկատմամբ:
Կանադայի կառավարությունը 12 ամիսների ընթացքում պետք է ընդունի համապատասխան որոշում, իսկ մինչ այդ Կանադայում էվթանազիան շարունակելու է մնալ օրենքից դուրս, հաղորդում է ՏԱՍՍ-ը:
Ներկա պահին Կանադայում գործող դաշնային օրենքն արգելում է բժիշկներին հիվանդների խնդրանքով իրականացնել էվթանազիա: Օրենքը խախտողներին սպառնում է առավելագույնը 14 տարվա ազատազրկում:
Ներկայումս էվթանազիան թույլատրվում է միայն մի քանի երկրներում, օրինակ՝ Հոլանդիայում և Բելգիայում, ինչպես նաև Ամերիկայի Միացյալ Նահանգների մի շարք նահանգներում:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
