Փորձագետները մեկ տարի են խնդրել խորտակված «Սևոլ» կորեական լաստանավը բարձրացնելու համար
Աշխարհ
Հարավային Կորեայի մի խումբ կառավարական և քաղաքացիական փորձագետներ հանգել են այն եզրակացության, որ տեխնիկապես հնարավոր է բարձրացնել «Սևոլ» լաստանավը: Ինչպես տեղեկացնում է «Արմենպրես»-ը, փետրվարի 9-ին այս մասին հաղորդել է The Chosun Ilbo հարավկորեական թերթը:
«Մենք մեր ուշադրությունը կենտրոնացրել ենք լաստանավի կորպուսն առաց մասերի կտրտելու՝ 10 հազար և 8 հազար տոննա ծովային ամբարձիչների միջոցով բարձրացնելու վրա: Մենք սպասում ենք, որ դա կարժենա շուրջ 100 միլիարդ վոն, իսկ բարձրացման համար կպահանջվի ավելի քան մեկ տարի»,- հրատարակությանն ասել է հանդիպման մասնակիցներից մեկը:
Ինչպես սպասվում է, հատուկ հանձնախումբը զեկույցը Հարավային Կորեայի հասարակական վարչակազմի և անվտանգության նախարարությանը կներկայացնի մարտի կեսերին:
Ըստ «Ինտերֆաքսի» հաղորդման՝ վերջերս Կորեայում 1003 մարդու հարցման ընթացքում պարզվել է, որ դրա մասնակիցների 61 տոկոսը հանդես է գալիս լաստանավը բարձրացնելու օգտին, իսկ 31 տոկոսը դեմ է:
«Սևոլ» լաստանավը ջրասույզ է եղել 2014 թվականի ապրիլի 16-ին: Նավում եղել է 467 ուղևոր: Նրանց մեծ մասը աշակերտներ էին, որոնք մեկնում էին Չեջուդո կղզում գտնվող առողջարանային քաղաք:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
