Ուկրաինայում տիրող իրավիճակը չի կարող լուծվել ռազմական ճանապարհով. Լավրով

Ուկրաինայում տիրող իրավիճակը չի կարող լուծվել ռազմական ճանապարհով, անհրաժեշտ է Կիևի և հարավ-արևելքի միջև ուղիղ երկխոսություն: Այս մասին հայտնել է ՏԱՍՍ-ը՝ վկայակոչելով ՌԴ ԱԳ նախարար Սերգեյ Լավրովին:

«Մեր կարծիքով՝ չի կարող լինել ոչ մի ռազմական լուծում, խաղաղության հասնելու ճանապարհը Կիևի իշխանությունների և հարավ-արևելքի միջև ուղիղ երկխոսությունն է»,- ասել է նախարարը:

ՌԴ ԱԳ նախարարը նշել է, որ այժմ փորձ է արվում սոցիալական, տնտեսական, ինչպես նաև ռազմական ճնշում գործադրել Դոնբասի նկատմամբ: