Մինսկի հանդիպման հանրագումարային փաստաթուղթը համաձայնեցված է 80 տոկոսով

Մինսկի հանդիպման հանրագումարային փաստաթուղթն այն բանից հետո, երբ այն կստորագրեն «նորմանդական քառյակի» ղեկավարները, կուղարկվի Շփման խմբին՝ ստանալու նրա հավանությունը: Այդ մասին, ինչպես տեղեկացնում է «Արմենպրես»-ը, ՌԻԱ «Նովոստիին» հայտնել է բանակցային գործընթացին մոտ կանգնած մի աղբյուր:

Ռուսաստանի, Ֆրանսիայի, Ուկրաինայի նախագահները և Գերմանիայի կանցլերը Բելառուսի մայրաքաղաքում բանակցությունները շարունակում են արդեն ավելի քան 12 ժամ:

«Համաձայնեցված է հանրագումարային փաստաթղթի 80 տոկոսը: Այդ փաստաթուղթը ներառում է 10 կետ: Այն բանից հետո, երբ այն կստորագրեն «նորմանդական քառյակի» ղեկավարները, փաստաթուղթը կուղարկեն Շփման խմբի՝ վիզա դնելու համար: Հսկայական առաջընթաց է ձեռք բերվել»,- ասել գործակալության զրուցակիցը: