«Նորմանդական քառյակի» բանակցային մարաթոնը Մինսկում շարունակվում է կարճատև դադարից հետո

Մինսկի Անկախության պալատում այսօր շարունակվում են լարված և տևողությամբ ռեկորդ արձանագրած «նորմանդական քառյակի» բանակցությունները՝ ուկրաինական ճգնաժամի կարգավորման վերաբերյալ: Այս մասին հայտնել է NEWSru.com-ը:

Ի սկզբանե հաղորդվում էր, որ ՌԴ նախագահ Վլադիմիր Պուտինի, Ֆրանսիայի նասխագահ Ֆրանսուա Օլանդի, Ուկրաինայի նախագահ Պյոտր Պորոշենկոյի և Գերմանիայի կանցլեր Անգելա Մերկելի հանդիպումն ավարտվել է մոտ 14 ժամ անց, սակայն ընդամենը կես ժամ անց գործակալությունները հաղորդել են բանակցությունների շարունակվելու մասին:

Առաջնորդներն ամբողջ գիշեր, առանց հանգստի և քնի քննարկում էին Դոնբասում հակամարտության կարգավորման ուղիները, ընդմիջում կատարելով միայն մեկ անգամ՝ լուսանկարվելու արարողության և ընթրիքի համար:

Հանդիպման արդյունքն Ուկրաինայի իրավիճակի կարգավորման ասպեկտների շուրջ փաստաթղթի ստորագրումը կլինի: Ինչպես ակնկալվում է, հասարակության վերջնական կոմյունիկեն կբարձրաձայնվի ժամը 12.00-ին՝ Մինսկի և Մոսկվայի ժամանակով: